以上兩個網站都比左好多IDEA同需知比我地,Cubes and Coroplast (C&C) cages亦係我地將會考慮整,及在我地能力範圍內的。起先我地諗住整一個超大的籠在地下,但是香港既房間實在空間有限,我們只好整一個唔影響我地生活又唔太細既籠比佢地。
需要既材料,基本上我係12蚊店都可以搵到,就係要好多個格仔網,最難買就係個塊塑膠瓦楞版,因為唔係到到都有得買,我地最後係油麻地既膠片舖到搵到,仲要佢地辦公時間係9-6超準時個種,真係遲一分鐘都冇得買!買完之後發現大檸樂,勁大份,真係點拎番屋企呀,為左寶貝帶住呢個柱體迫地鐵,諗起都好笑!
12蚊店既格仔網,有好多SIZE,係屋企量好曬度好曬,我地就開始砌啦。
我地三姐妹搞左成晚,砌砌貼貼...終於搞掂啦,2個男仔住下面,女仔住上面,真係成張書枱比曬佢地啦!
P.S. 我仲係12蚊店搵到呢個架,放左入去,寶貝們都超喜歡呢!
沒有留言:
發佈留言