生病了....睇醫生篇

熊仔黎左冇幾日,我地發現佢眼睛周圍D毛愈來愈少,而哈哈就耳朵後邊D毛都開始有問題,有D硬硬地白色一點點既野係佢地脫毛的地方,真怕佢地d毛愈脫愈多,所以最後我地決定帶2男睇醫生!

睇醫生都好有學問,因為普通既動物醫院都係睇貓狗,好少有獸醫睇小動物專科,所以我地都上網搵左好耐睇左好多資料,最後我地揀左離我地家不太遠的毛國界動物醫院!

出發啦......寵物外出袋購自淘寶

  

診所入面有好多兔兔睇丫,等咁耐一d都唔悶,等待中的毛小孩........

 

見完馬醫生,同佢地做埋身體檢查,佢地原來生癣呀.....Dr.Ma 話呢隻叫金錢癣,對天竺鼠黎講都算係普遍的,最大可能係在寵物店同傳染番黎。

馬醫生開左d抗生素比佢地每日食,仲有碘酊水早晚搽一次患處,磅下重講下注意事項就走啦!

回家就開始我地一連2星期多既食藥搽藥日子.....

  
為食熊熊勁鍾意飲藥，哈哈就...
  

面診既時候發生一段小插曲，第一次帶佢地睇醫生，當然有咩飼養上既問題，煩惱都一一問醫生意見。咁呢兩日留意到哈仔下體處排便個位腫起左，就指比醫生睇問下有咩問題。點知馬醫生用勁專業既語氣指住腫起處話：哦！其實腫起個度呢係佢既蛋蛋黎架，哈哈佢大個仔啦!

當下感覺空氣靜止左.....

P.S. 馬醫生真係好溫柔好細心,比佢既溫柔細心吸引了!