有日放工回家發覺兩隻天竺鼠仔仔打過交,一隻被打到流鼻血個鼻腫左有條痕, 另一隻就頸下面被咬流血, 原先只係諗住佢地玩下, 因為我回家佢地又冇咩野, 又飲又食又苛得, 咁就當冇事, 幫佢地消下毒清理下!
隔左一晚再放工回家, 發現一隻受傷流血得好嚴重, 我見到之後嚇親, 佢下面近生殖器官位比另一隻咬到冇左塊肉, 仲流曬血, 而另一隻今次就到佢流鼻血, 見到咁既情況, 立即安排隔開佢地, 仲即刻幫佢地用碘酊消毒。心疼死我啦!!
以下照片會引起不安,敬請有心理準備!
!!!!!!
!!!!!
!!!!
!!!
!!
!
熊仔傷得最嚴重,搽完藥第二天再睇,弟弟你條野外露wor!!我幾驚佢從此不舉,真係男人最痛 >.<
其實好唔想分籠, 佢地一樣SIZE差唔多又一樣歲數, 都唔明佢地做咩無啦啦打交, 仲要打得咁犀利, 唔係話佢地男仔細個打交只係咬下耳仔, 通常幼年天竺鼠係好易接納對方, 因為佢地係群居動物咩? 點解之前好好地,無啦啦會打大架呀? 真係十萬個為什麼........??????
從此之後,佢地中間就多左個網,大籠變小籠,我都唔想的,鬼叫你地打架咩
上網睇過有人話天竺鼠一開始打架,佢地從此就唔可以一齊生活,Forever....forever,Oh,NO!
起初我地唔信,仲諗住中間整個格網上下比D空間,方便下我地換野清潔,點知....
你地睇隔住網都可以打架的,互咬對方既嘴,咬到兩個都流曬血,打K輪打得咁激,我地見到真係十萬個無奈,最後網都唔用得,整左塊版係中間,互不相見,好未????!!!!
P.S. 呢日哈哈比人打得甘D,個日超嗲,係咁要人摸,又一路支支支支,講足成晚投訴某鼠。
沒有留言:
發佈留言