紙砂及廁所的學問

對於墊材方面,我地起初都係由零開始,見寵物店大多用紙砂,我地又跟住用紙砂,初初用個時我地墊滿整個籠底,後來發現阿牛只喜歡係角落苛尿,於是我地淘寶左三角廁所比阿牛,我地起初係放紙砂然後上面放個隔網,但發現阿牛真的好喜歡瞓廁所,佢唔洗點教就會在廁所苛尿,不過由於尿完之後會有尿液留在隔網上,弄得隔網濕濕的,阿牛再瞓在上面就會令佢肚底上的毛都被沾濕了,變成黃黃的又臭臭的。之後我地取走了隔網之後,情況好多了,阿牛最多瞓在紙砂上,但由於這隻紙砂都幾吸水,所以不至於弄髒阿牛的毛了,我地更換都方便很多,最感恩就係阿牛識係廁所上去,佢幫我地摼左好多紙砂,叻女。

講左咁耐,我都分享下下我用邊一隻紙砂啦!就係呢個back2nature (百分之百再生紙特製條狀環保紙砂,不含化學添加物,有機天然物,可以100%生物分解,無粉塵,不會造成人體及寵物呼吸道問題,打開後暴露於空氣中,不會生黴或長蟲,使用過後可以沖入馬桶或堆肥)其實我見好多寵物店都係用呢一款,佢地仲倒滿成個底!至於我既用後感就係,一日已經要換一次,有時多尿得濟,仲會吸唔曬,最後整到寶貝肚仔濕濕髒髒的,所以太濕時要攪拌下紙砂,免得又要給寶貝沖涼,還有寶貝們用力跳的時候仲會將紙砂彈到周圍都係,所以你地問好定唔好,我都唔知點答,可能未搵到好用的吧!除左好唔好用之外,我估大家最care既應該係價錢問題,講真呢隻紙砂都唔平,一次過買三包30L(可包送貨)要HK$49X,我家尿多屎多,一個月就用完三大包了!用耐左呢隻,我仲發現寶貝們腳底都紅紅的,有可能踩得多紙砂造成,因為紙砂普遍都是硬的,所以用耐左都會想轉!

 

我下面想講既呢一隻CAREFRESH (環保吸水棉,對人和動物安全無害-無有害物質添加物,少塵,不褪色,吸臭能力好-鎖臭時間是傳統紙鋪墊的3倍,令籠持久保持無味及延遲更換鋪墊時間,吸水性能好-可吸收3倍自身重量的液體以保持寵物舒適和乾爽,環保-木漿製造,自然和可持續的資源100％可生物降解和可堆肥),有好多天竺鼠及倉鼠用家都用,市面上仲有好多顏色選擇,其實我都冇咩研究過點解有咁多顏色,同埋咩顏色最好等,我起初冇買呢種係因為有人同我講怕好大塵,本身家人都有輕微鼻敏感,所以都唔太敢買呢隻用,但佢地黎日子耐左之後,發現紙砂真係唔平同埋佢地既使用量都唔少,我地都開始物色一些平價既墊材,諗住感輕下大家負擔,所以最後都買左包試下。用後感,除左顏色好靚之外,我覺得吸水吸臭都好過紙砂,起碼兩日換一次都唔怕,而且換時仲唔會痴底,唔洗過水就咁倒曬入面d棉加新就可以,細細包都用到幾耐下,不過都有唔好處,就係寶貝們有時會走去食紙綿的,雖然話對動物無害,但都唔好啦,不過冇辨法,冇可能24小時睇住佢地!