天竺鼠每天都要進食乾草的,乾草要無限量供應,乾草中的長纖維,可以促進天竺鼠的腸道蠕動,使消化系統發揮功能。天竺鼠的牙齒是會不斷生長的,咀嚼乾草可以幫助牠適當地磨牙（臼齒），過長的牙齒會影響天竺鼠進食，影響天竺鼠的健康。天竺鼠會吃便便以確保所有營養成分都被徹底吸收,千萬不可阻止。攝取食物後第一次排出的便便濕潤柔軟,吃進去回收後第二次排出就會乾乾硬硬。
天竺鼠如果超過12個小時沒進食便會迅速死亡, 所以一但發現牠們胃口不佳就要提高警覺。
剛回家時,我地買左MOMI個隻Timothy Hay 2nd cut,因為佢地平時食開呢隻而且又大大包都幾抵買,Q-PET $16X 2.5KG! 記得有一次我仲要冇留意買錯左3rd cut,點知成袋草又黃又乾又硬,完全冇葉,佢地都唔鍾意食,最後成袋草好似冇食過咁放左係角落。其實市面上都好多乾草牌子選擇,OXBOW,KAYTEE,APD,MARUKAN,GEX....太多了,但你地問我邊隻好? 講真我真係唔知,我每次都係買大大盒既MOMI,感覺好似抵D可以食耐D,入面D草都唔係全葉,有時唔好彩仲要攞左盒唔係綠的(有少少枯葉),不過好在我家的寶貝都比面我,只要唔係全莖桿,佢地都OK的。
另外以我既認知,乾草都有幾種口味的,Timothy(提摩西草),Alfalfa(苜蓿牧草),Orchard Grass(果園草),Oat(燕麥牧草)。天竺鼠大多都食Timothy Hay的,Alfalfa Hay太高營養了,通常適合懷孕及4個月以下大既天竺鼠寶寶食用,成年天竺鼠食得多會變大肥仔,身體還可能會因為肥胖造成好多問題哦!
乾糧 (主飼料)
起初我地都買一些牠們平常習慣食用的,怕牠們不習慣或者唔接受新糧,所以買左下列這雜糧。發現雜糧之中有一些牠們不喜歡吃的,多數最後都係食曬條狀型飼料,而且這糧放耐左,會有好多黑色識爬既蟲蟲係到,唔知係唔係雜糧先有,食到後期,我地都丟左,因為唔知點解愈來愈多蟲蟲又爬又飛,恐怖。
維他命C
仲記得寵物店員都叫我地買維他命C水滴入去水到比佢地飲,起初我地都係咁做,覺得冇問題,咁樣先可以幫佢地補到維他命,點知上網睇原來好多人都唔建議滴入水中比佢地,原因如下：
1) 這可能會令水的味道變酸，使天竺鼠減少喝水。
2) 當接觸到水和光，維他命C會在瓶子內分解。
睇完之後都好多問題,咁點解寵物店D人咁教我地架,同埋咁點解又會有呢一類產品既出現呢?
最後我地開始搵維他命C錠比佢地食,發現又係好多人介紹Oxbow。
呢個維他命C錠三寶都很喜歡,每日一粒,比佢地慢慢咬,近排我地仲見到有隻係可以改善腸胃,我地都買左,因為熊仔近排苛啡尿,d屎仲好鬼臭,食呢隻唔知有冇效,有效再同大家報告吧!
沒有留言:
發佈留言