自從有左三隻寶寶之後,每次淘寶都實有野買比佢地,買買下就會愈來愈多唔等洗野出現,屋企個櫃都愈來愈多佢地唔用但又唔想丟既產品,等我都分享下我通常淘d咩番黎啦.....
- 尿墊,呢隻粉紅色既尿墊so far係用左咁多次都可以接受,好過藍色既尿墊,個人覺得買比天竺鼠既尿墊最好厚一點,同埋要超吸水先得。
- 食物勺子,我用係貓砂同乾糧到,幾好用
- 彩虹跳板&樓梯,寶貝們比較喜歡跳板,整天跳上跳落,仲鍾意係上面瞓,反而樓梯就麻麻，有次仲尿左上去,木製洗又洗唔到,最後留左個尿漬係到
- 保暖綿窩,又靚又好用,真係幾暖,強烈推薦比識去廁所尿尿既寶貝用
- 零食,有蘿蔔乾,鮮蘋果乾,磨牙谷物,甜竹,
玉米片,蔬菜乾,水果粒乾,香焦片乾,奶酪粒,整條粟米仔等,我每樣都會比佢地試下,發覺佢地比較偏向食某幾種,唔食既就係我劃左線的,但就唔知係我家寶貝挑食定真係唔食啦。 - 玩樂球,我買左粉紅色,都幾cute,就算唔放食物入去,阿牛都會咬住黎玩,推黎推去
- 廁所,我自己就買左三角廁所,我家阿牛好鍾意窩係入面瞓教,建議使用時將上面個隔層取走,因為佢地d尿尿流唔曬去下面會整到個面濕曬,如果寶貝再瞓上面就會整濕佢底底d毛同臭臭lu
- 指甲鉗,市面上寵物店買真的比較貴, 淘寶港幣12蚊ja,仲有埋個銼送
- 冰墊,我個人覺得唔好用,唔凍的,同埋佢尼龍會吸水,吸曬d尿會變臭
- 我自己覺得呢個掃帚同鏟幾好用,淘寶港幣6蚊
- 可彎曲既小木橋屋,這個不錯,不過上網有賜人講用得耐會有蟲,所以要檢查清楚
- 磨牙石,天竺鼠係唔鍾意用磨牙石,我有一排仲淘左勁多番黎,最後變裝飾了,強烈建議大家唔好買
- 食物球架,這個又平又好用,我家寶貝一路食一路訓練佢腳力
- 外出袋,呢款外出袋,外形就唔錯啦,不過買左番黎試過,透氣度麻麻,真怕拉實曬佢地會窒息,當初揀個時就係見佢外形ok,同埋最緊要係上面打開的,上面打開好重要,起碼抱佢出黎時,d屎唔會跟住掃埋出黎
- 除味殺菌劑,呢支野都幾唔香,不過都可以除到少少臭,但買完一支之後,我就冇再入貨了,轉用消毒藥水好過
- 梳,由於我工隻寶貝甩先甩得幾多,所以剛開始時,我就買左呢d毛梳,諗住每日幫佢梳毛,買左番黎見到個面咁平,都有少少feel到唔多work,我估梳落去感覺會似同佢地按摩,建議梳毛都係買針梳好,針梳仲要有保護粒個隻,如果唔係佢地會痛的
- 食物盆+草架,覺得呢一款二合一草架+糧食盆好唔好用,呢個真係用開先知,通常放完草之後都會有好多草碎,同埋天天食草時又會拉/咬d草出黎食,最後草碎都跌曬去前面既糧食盆內,碎草蓋住曬乾糧,他們都食不到了,所以我現在都喜歡,糧草分開放
新手天竺鼠養家,可能都會好似我地咁,買左勁多唔等洗既野,其實我覺得係一個必經階段黎的,行過寵物店,總喜歡走入去逛一逛睇下有冇野買比佢地,見到零食都會諗,唔知佢地鍾唔鍾意食呢,買完試過知道佢地唔鍾意,雖然會傷心,不過下次就唔會再咁傻!另外有時買之前上網/討論區望一望,可能都可以幫你減少好多無為支出!
沒有留言:
發佈留言