第一次見到熊仔已經比佢既冷靜嚇親，當係店員手上接佢過黎個陣，佢居然可以郁都唔郁，家已有哈哈同牛牛既我地真係覺得好amazing！仲記得第一次見到哈哈，佢已經係咁講野，牛牛就搏老命跑唔想比人捉到(完全符合實情)。熊仔個個獨特既菊花頭（想要好耐）同眼仔碌碌既萌樣，考慮了大概10分鐘就決定帶佢番屋企了(完全零抵抗力)。
熊仔(有時會叫熊熊)黎左我地屋企1-2日就閉眼瞓教，任抱唔走。除左淡定外，熊仔其中一個特點係大食同懶，無時無刻都係度食，食咩都大啖大啖，食極唔夠，真係一個小食貨。養左短短2個月熊仔身型暴漲得飛快，遠遠拋離哈哈。佢既淡定同為食令我地開始諗可以利用佢呢d特點進行咩訓練(最後都幾成功，遲下會講)。
係帶天天番屋企既過程中，我地做左個壞榜樣，應該要先考慮領養而唔係去寵物店買,養耐左對呢種動物關注多左，熱愛多左先發覺小小既寵物鼠原來飼養起黎一d都唔簡單，亦因為咁有唔少人會棄養，因為天天老實講真係會有好多排泄物，清理得唔及時係會臭。如果比多次機會我會唔厭麻煩去領養，任何寵物都值得第二次機會。幫襯寵物店只會助長商人將一隻隻未斷奶既小天帶離媽媽身邊出售，被迫近親繁殖，母天過多生育...
有時會諗如果當日冇去寵物店見到牛牛,就唔會開始養天天，都唔會帶熊仔同哈哈番屋企，佢地唔知會有咩待遇，會遇到咩主人。
感激緣份把三寶帶到我家
希望三寶健康到老
互尋快樂
陪伴左右
沒有留言:
發佈留言